ബംഗളൂരുവിൽ തീപിടുത്തം; 5 മരണം

ബംഗളൂരുവിലെ ബാറിൽ തീപിടുത്തം. കൊർ മാർക്കറ്റിലെ ബാറിലായിരുന്നു തീപിടുത്തം. സംഭവത്തിൽ 5 പേർ മരിച്ചു. ഷോർട്ട് സർക്യൂട്ടാണ് അപകട കാരണമെന്നാണ് പ്രാഥമിക നിഗമനം.

ബാർ റസ്‌റ്റോറന്റ് ജീവനക്കാരായ മഞ്ജുനാഥ്, സ്വാമി, പ്രസാദ്, കീർത്തി, മഹേഷ് എന്നിവരാണ് മരിച്ചത്. പുലർച്ചെ മൂന്ന് മണിയോടെ ആയിരുന്നു അപകടം. ക്ലീനിംഗ് ജോലികൾക്ക് ശേഷം ഉറങ്ങാൻ കിടന്നതായിരുന്നു ജീവനക്കാർ. ഇവരുടെ മൃതദേഹങ്ങൾ വിക്ടോറിയ ആശുപത്രിയിലേക്ക് പോസ്റ്റ്‌മോർട്ടത്തിനായി മാറ്റിയിട്ടുണ്ട്.