ഉത്തരേന്ത്യയിൽ അതിശൈത്യം തുടരുന്നു; ഇതുവരെ മരിച്ചത് 71 പേർ

ഉത്തരേന്ത്യയിൽ അതിശൈത്യം കാരണം ഇതുവരെ മരിച്ചത് 71 പേർ. കശ്മീരിൽ തണുപ്പ് മൈനസ് 20 വരെ രേഖപ്പെടുത്തുമ്പോൾ ഡൽഹി ഉൾപ്പെടെയുള്ള മേഖലകളിൽ താപനില പൂജ്യം ഡിഗ്രിയിലേക്ക് കടക്കുകയാണ്. കനത്ത മൂടൽമഞ്ഞ് കാരണം അപകടങ്ങളും പെരുകിയിട്ടുണ്ട്.

ഹിമാചലിൽ പ്രദേശിലെ വിവിധ ഭാഗങ്ങളിലും മഞ്ഞുവീഴ്ച തുടരുകയാണ്. യുപിയിലെ മുസാഫർനഗറിൽ ഇന്നലെ 3.4 ഡിഗ്രിയും സുൽത്താൻപൂരിൽ 2.8 ഡിഗ്രിയുമാണ് താപനില രേഖപ്പെടുത്തിയത്. പഞ്ചാബിലെ അമൃത്സറിൽ 3.3 ഡിഗ്രിയും ഹരിയാനയിലെ നർനൗലിൽ 3.5 ഡിഗ്രിയുമായിരുന്നു ഇന്നലെ അനുഭവപ്പെട്ടത്. മൂടൽമഞ്ഞ് കാരണം ചണ്ഡിഗഡിലെ മിക്കയിടങ്ങളിലും കാഴ്ചപരിധി 50 മീറ്ററായി ചുരുങ്ങിയിട്ടുണ്ട്. രാജസ്ഥാനിലെ അൽവാറിൽ ഇന്നലെ 1.2 ഡിഗ്രിയാണ് താപനില രേഖപ്പെടുത്തിയത്. പശ്ചിമബംഗാളും അതിശൈത്യത്തിന്റെ പിടിയിലാണ്.

intense cold in north india