മൂടല്‍ മഞ്ഞ് തുടരുന്നു ; ഡല്‍ഹിയില്‍ 18 ട്രെയിനുകള്‍ റദ്ദാക്കി

കനത്ത മൂടല്‍ മഞ്ഞിനെ തുടര്‍ന്ന് ഡല്‍ഹിയില്‍ 18 ട്രെയിനുകള്‍ റദ്ദാക്കി. മഞ്ഞിന്റെ കാഠിന്യത്താല്‍ കാഴ്ച അവ്യക്തമായതിനാലാണ് ട്രെയിനുകള്‍ റദ്ദാക്കാന്‍ തീരുമാനിച്ചത്. അമ്പോതോളം സര്‍വ്വീസുകള്‍ വൈകുകയും ചെയ്തു. കഴിഞ്ഞ ഏതാനും ദിവസങ്ങളായി ഡല്‍ഹിയില്‍ കനത്ത മൂടല്‍ മഞ്ഞ് അനുഭവപ്പെടുന്നു. ഏതാനും ദിവസങ്ങള്‍ കൂടി ഈ അവസ്ഥ തുടരുമെന്ന് ഇന്ത്യന്‍ മെട്രോളജിക്കല്‍ ഡിപ്പാര്‍ട്ട്‌മെന്റെ് അറിയിച്ചു.