സുരേഷ് ഗോപിയുടെ ജാമ്യാപേക്ഷ ഇന്ന് പരിഗണിക്കും

പോണ്ടിച്ചേരിയില്‍ ആഢംബര വാഹനം രജിസ്റ്റര്‍ ചെയ്ത് നികുതി വെട്ടിച്ച കേസില്‍ നടനും എംപിയുമായ സുരേഷ് ഗോപിയുടെ ജാമ്യാപേക്ഷ ഇന്ന് കോടതി പരിഗണിക്കും. ഡിസംബര്‍ 12നാണ് സുരേഷ് ഗോപി ഈ കേസില്‍ മുന്‍കൂര്‍ ജാമ്യാപേക്ഷ സമര്‍പ്പിച്ചത്. നികുതി വെട്ടിക്കുന്നതിനായി വ്യാജരേഖയുണ്ടാക്കി എന്നതാണ് സുരേഷ് ഗോപിക്കെതിരെ ക്രൈബ്രാഞ്ച് ചുമത്തിയിരിക്കുന്ന കുറ്റം. പോണ്ടിച്ചേരിയില്‍ വ്യാജ വിലാസത്തിലാണ് സുരേഷ് ഗോപി തന്റെ ഓഡി കാര്‍ രജിസ്റ്റര്‍ ചെയ്തത്. ജാമ്യാപേക്ഷയോടൊപ്പം സുരേഷ് ഗോപി ഹാജരാക്കിയ വാടക ചീട്ടില്‍ പൊരുത്തക്കേടുകള്‍ കണ്ടെത്തിയിരുന്നു. കേസ് പരിഗണിച്ച കോടതി സുരേഷ് ഗോപി എംപിയെ അറസ്റ്റ് ചെയ്യുന്നത് പത്ത് ദിവസത്തേക്ക് തടഞ്ഞിരുന്നു.

suresh gopi