മൂന്ന് വര്‍ഷത്തിന് ശേഷം കാമറൂണ്‍ വൈറ്റ് വീണ്ടും ഓസീസ് ടീമില്‍

ഓസ്‌ട്രേലിയയുടെ സീനിയര്‍ ക്രിക്കറ്റ് താരമായ കാമറൂണ്‍ വൈറ്റ് വീണ്ടും ഓസീസ് ടീമില്‍. ഇംഗ്ലണ്ടിനെതിരെയുള്ള ഏകദിന പരമ്പരയിലാണ് വൈറ്റിന് വീണ്ടും ദേശീയ ടീമില്‍ ഇടം ലഭിച്ചത്. മുന്‍പ് ടീമില്‍ ഇടം പിടിച്ചിരുന്ന ക്രിസ്‌ലിന്‍ പരിക്ക് മൂലം പുറത്തായതോടെയാണ് 34 വയസുകാരനായ കാമറൂണ്‍ വൈറ്റിനെ ടീമിലേക്ക് തിരിച്ച് വിളിച്ചത്. മൂന്ന് വര്‍ഷങ്ങള്‍ക്ക് ശേഷമാണ് വൈറ്റ് ഓസീസ് ടീമിലേക്ക് തിരിച്ചെത്തുന്നത്. ഓസ്‌ട്രേലിയയ്ക്ക് വേണ്ടി 88 ഏകദിനങ്ങളാണ് കാമറൂണ്‍ വൈറ്റ് കളിച്ചിട്ടുള്ളത്.