ഓഖി; ഇനിയും കണ്ടെത്താനുള്ളത് 113 പേരെ

ഓഖി ദുരന്തം ആഞ്ഞടിച്ചിട്ട് ഒന്നര മാസത്തോളം കഴിഞ്ഞിട്ടും ഇനിയും കണ്ടെത്താനുള്ളത് 113 പേരെയെന്ന് സര്‍ക്കാരിന്റെ പുതിയ കണക്ക്. 1168 പേരെ രക്ഷപ്പെടുത്തിയെന്നും പുതിയ കണക്കില്‍ പറയുന്നു. അതേ സമയം ദുരന്തത്തില്‍ മരിച്ച ഒരാളെക്കൂടി ഇന്ന് തിരിച്ചറിഞ്ഞു. വിഴിഞ്ഞം സ്വദേശി സെബാസ്റ്റിയന്‍ അടിമ (40) എന്നയാളുടെ മൃതദേഹമാണ് തിരിച്ചറിഞ്ഞത്. മൃതദേഹം കോഴിക്കോട് മെഡിക്കല്‍ കോളേജില്‍ സൂക്ഷിച്ചിരിക്കുകയായിരുന്നു. നാല് മൃതദേഹങ്ങള്‍ കൂടി ജില്ലയില്‍ നിന്ന് ഇനിയും തിരിച്ചറിയാനുണ്ട്.