തദ്ദേശ ഉപതെരഞ്ഞെടുപ്പില്‍ നേട്ടം ഇടതിന്

എട്ട് ജില്ലകളിലെ 15തദ്ദേശ സ്വയംഭരണ വാര്‍ഡുകളില്‍ നടന്ന ഉപതെരഞ്ഞെടുപ്പില്‍ എല്‍ഡിഎഫിന് നേട്ടം. മിക്ക വാര്‍ഡുകളിലും എല്‍ഡിഎഫ് വിജയിച്ചു. തിരുവനന്തപുരം, കൊല്ലം, കോട്ടയം, ഇടുക്കി, പാലക്കാട്, മലപ്പുറം ജില്ലകളിലെ 12 ഗ്രാമപഞ്ചായത്ത് വാർഡുകൾ, എറണാകുളം ഏലൂർ നഗരസഭയിലെ പാറയ്ക്കൽ, മലപ്പുറം പൊന്നാനി നഗരസഭയിലെ അഴീക്കൽ, കാസർകോട് കാറഡുക്ക ബ്ലോക് പഞ്ചായത്തിലെ ബേഡകം എന്നിവിടങ്ങളിലാണ് ഇന്നലെ ഉപതിരഞ്ഞെടുപ്പ് നടന്നത്. മലപ്പുറം പോത്തുകല്‍ പഞ്ചായത്തില്‍ എല്‍ഡിഎഫ് ജയിച്ചതോടെ യുഡിഎഫിന് ഇവിടെ പഞ്ചായത്ത് ഭരണം നഷ്ടപ്പെട്ടു.