ജി.എസ്.ടിയെ പഴിക്കേണ്ട; ഗീതാ ഗോപിനാഥ്

സംസ്ഥാനത്ത് നിലനില്‍ക്കുന്ന സാമ്പത്തിക പ്രതിസന്ധിയ്ക്ക് ജി.എസ്.ടിയെ മാത്രം പഴിക്കേണ്ട ആവശ്യം ഇല്ലെന്ന് മുഖ്യമന്ത്രിയുടെ സാമ്പത്തിക ഉപദേഷ്ടാവ് ഗീതാ ഗോപിനാഥ്. ചെലവുകള്‍ കൂടിയത് സാമ്പത്തിക പ്രതിസന്ധിയിലേക്ക് വഴിതെളിച്ചു. അധിക ചെലവുകളാണ് ധനകമ്മിയിലേക്ക് വഴിതെളിച്ചതെന്നും ഗീതാ ഗോപിനാഥ് പറഞ്ഞു. ജി.എസ്.ടിയാണ് ഇപ്പോഴത്തെ സാമ്പത്തിക പ്രതിസന്ധിയ്ക്ക് വഴിതെളിച്ചതെന്ന മുഖ്യമന്ത്രിയുടെയും ധനമന്ത്രിയുടെയും അഭിപ്രായങ്ങള്‍ക്ക് എതിരായാണ് ഗീതാ ഗോപിനാഥിന്റെ ഈ അഭിപ്രായപ്രകടനം. എന്നാല്‍ തനിക്ക് ധനമന്ത്രിയുമായി നല്ല ബന്ധമാണെന്നും സാമ്പത്തിക പ്രതിസന്ധി മറികടക്കാന്‍ സ്വകാര്യ മേഖലയ്ക്ക് കൂടുതല്‍ പങ്കാളിത്തം നല്‍കണമെന്നും ഗീതാ ഗോപിനാഥ് പറഞ്ഞു.