ഹര്‍ത്താലിനെതിരെ ഹൈക്കോടതി

ഹാര്‍ത്താലിനെ രൂക്ഷമായി വിമര്‍ശിച്ച് ഹൈക്കോടതി. നിരോധിക്കപ്പെട്ട ബന്ദിനെ വേഷം മാറ്റി അവതരിപ്പിക്കലാണ് ഹര്‍ത്താലെന്ന് ഹൈക്കോടതിയുടെ നിരീക്ഷണം. എല്ലാവരെയും അത് ദുരിതത്തിലാക്കുന്നു. ജനങ്ങളും ആശങ്കയോടെയാണ് ഹര്‍ത്താലുകളെ കാണുന്നത്. സംസ്ഥാനത്തിന്റെ സാമ്പത്തിക അടിത്തറയെ പോലും ഹര്‍ത്താലുകള്‍ ബാധിക്കുന്നുണ്ട്. നാടിന്റെ അന്തസിന് തന്നെ അത് അപമാനമാണെന്നും കോടതി പറഞ്ഞു. ഹര്‍ത്താലില്‍ പരിക്കേറ്റ കളമശേരി സ്വദേശി ചന്ദ്രബോസിന്റെ നഷ്ടപരിഹാരം സംബന്ധിച്ച വിധി ശരിവെച്ചാണ് കോടതി ഈ നിരീക്ഷണം നടത്തിയത്. ചന്ദ്രബോസിന് ഏഴ് ലക്ഷം രൂപ നഷ്ടപരിഹാരം നല്‍കണം. ഹര്‍ത്താല്‍ ആഹ്വാനം ചെയ്തവരില്‍ നിന്ന് തുക ഈടാക്കണമെന്നും ഹൈക്കോടതി അറിയിച്ചു.