കുടുംബ വഴക്ക്; പത്തനംതിട്ടയിൽ ഭാര്യയെ കുത്തിക്കൊന്ന ശേഷം ഭർത്താവ് ജീവനൊടുക്കി

പത്തനംതിട്ടയിൽ ഭാര്യയെ കുത്തി കൊന്ന ശേഷം ഭർത്താവ് ജീവനൊടുക്കി. മല്ലപ്പള്ളി ചേർത്തോടാണ് സംഭവം. സുധ രഘുനാഥ് (61) ആണ് കൊല്ലപ്പെട്ടത്. സുധയെ കുത്തികൊലപ്പെടുത്തിയതിന് ശേഷം ഭർത്താവ് രഘുനാഥ് ജീവനൊടുക്കുകയായിരുന്നു. കുടുംബ വഴക്കാണ് കൊലപാതകത്തിന് കാരണമെന്നാണ് പൊലീസിന്റെ പ്രാഥമിക നിഗമനം.

വീടിനു പുറത്ത് സുധയെ മരിച്ച നിലയിൽ ആദ്യം കാണുന്നത് അയൽവാസികൾ. പിന്നീട് വാർഡ് മെമ്പറുടെ ഉൾപ്പെടെ വിവരം അറിയിച്ചു. നാട്ടുകാരും പൊതുപ്രവർത്തകരും നടത്തിയ പരിശോധനയിലാണ് തൊട്ടപ്പുറത്ത് രഘുനാഥനെ ആത്മഹത്യ ചെയ്ത നിലയിൽ കണ്ടത്. പിന്നീട് പൊലീസ് എത്തി മേൽ നടപടികൾ സ്വീകരിച്ചു.

Story Highlights : Husband kills wife after stabbing her to death in Pathanamthitta