അണ്ടര്‍-19 ലോകകപ്പ്; ഇന്ത്യയുടെ കൗമാരപ്പടയ്ക്ക് വീണ്ടും വിജയം

ന്യൂസിലാന്‍ഡില്‍ നടക്കുന്ന അണ്ടര്‍-19 ക്രിക്കറ്റ് ലോകകപ്പിലെ രണ്ടാം മത്സരത്തിലും ഇന്ത്യന്‍ ടീമിന് ജയം. ഗ്രൂപ്പ് ഘട്ടത്തിലെ രണ്ടാം മത്സരത്തില്‍ പാപ്പുവ ന്യൂഗിനിയ്‌ക്കെതിരെ 10 വിക്കറ്റിന്റെ മിന്നുന്ന വിജയമാണ് ഇന്ത്യ സ്വന്തമാക്കിയത്. ആദ്യം ബാറ്റ് ചെയ്ത പാപ്പുവ ന്യൂഗിനി 21.5 ഓവറില്‍ 64 റണ്‍സിന് ഓളൗട്ടായി. അനുകുല്‍ സുധാകര്‍ റോയ് ഇന്ത്യയ്ക്ക് വേണ്ടി 5 വിക്കറ്റുകള്‍ വീഴ്ത്തി. മറുപടി ബാറ്റിംഗിനിറങ്ങിയ ഇന്ത്യ ക്യാപ്റ്റന്‍ പൃഥ്വി ഷായുടെ 57 റണ്‍സ് പ്രകടനത്തിന്റെ ബലത്തില്‍ വിക്കറ്റ് നഷ്ടം കൂടാതെ വിജയം സ്വന്തമാക്കി. രണ്ടാമത്തെ വിജയത്തോടെ ഇന്ത്യ ക്വാര്‍ട്ടര്‍ പ്രവേശനം ഉറപ്പാക്കി.