നെഹ്‌റു കോളേജിലെ വിദ്യാര്‍ത്ഥിയുടെ ആത്മഹത്യ ശ്രമം; വിവാദമായി ആത്മഹത്യ കുറിപ്പ്

നെഹ്‌റു ഗ്രൂപ്പിന്റെ അധീനതയിലുള്ള ഒറ്റപ്പാലം ജവഹര്‍ലാല്‍ ലോ കോളേജില്‍ വിദ്യാര്‍ത്ഥി ആത്മഹത്യ ശ്രമം നടത്തിയതിന് പിന്നാലെ വിദ്യാര്‍ത്ഥിയുടെ ആത്മഹത്യ കുറിപ്പ് വിവാദം പടര്‍ത്തുന്നു. സോഷ്യല്‍ മീഡിയ വഴിയാണ് ഈ കുറിപ്പ് ചര്‍ച്ചയാകുന്നത്. നെഹ്‌റു ഗ്രൂപ്പ് ചെയര്‍മാനായ പി.കൃഷ്ണദാസിനെതിരെ കുറിപ്പില്‍ പരാമര്‍ശമുണ്ട്. അര്‍ഷാദ് അഷ്‌റഫ് എന്ന വിദ്യാര്‍ത്ഥിയാണ് ആത്മഹത്യ ശ്രമം നടത്തിയത്. വിഷം കഴിച്ചാണ് ആത്മഹത്യക്ക് ശ്രമിച്ചത്. വിദ്യാര്‍ത്ഥിയെ ആശുപത്രിയില്‍ പ്രവേശിപ്പിച്ചു. ഇതേ നെഹ്‌റു ഗ്രൂപ്പിന്റെ അധീനതയിലുള്ള പാമ്പാടി കോളേജിലെ വിദ്യാര്‍ത്ഥിയായിരുന്നു ദുരൂഹസാഹചര്യത്തില്‍ ആത്മഹത്യ ചെയ്യപ്പെട്ടതായി കണ്ട ജിഷ്ണു പ്രണോയ്.