ഇലക്ഷന്‍ കമ്മീഷനെതിരെ ആം ആദ്മി ഹൈക്കോടതിയിലേക്ക്

ഡല്‍ഹിയില്‍ 20 എംഎല്‍എമാരെ അയോഗ്യരാക്കിയ ഇലക്ഷന്‍ കമ്മീഷന്റെ നടപടിയ്‌ക്കെതിരെ ആം ആദ്മി പാര്‍ട്ടി ഡല്‍ഹി ഹൈക്കോടതിയിലേക്ക്. ബിജെപിയെ സഹായിക്കാന്‍ വേണ്ടിയാണ് ഇലക്ഷന്‍ കമ്മീഷന്‍ ഇത്തരം തരംതാഴ്ന്ന പ്രവര്‍ത്തികള്‍ ചെയ്യുന്നതെന്ന പ്രതിഷേധവുമായി ആം ആദ്മി പാര്‍ട്ടി രംഗത്തെത്തിയിട്ടുണ്ട്. മന്ത്രിമാരുടെ പാര്‍ലിമെന്ററി പാര്‍ട്ടി സെക്രട്ടറി സ്ഥാനം വഹിച്ചതിനാണ് തിരഞ്ഞെടുപ്പ് കമ്മീഷന്‍ എംഎല്‍എമാര്‍ക്കെതിരെ നടപടി സ്വീകരിച്ചത്. ഡല്‍ഹിയിലെ രാജ്യസഭാ തിരഞ്ഞെടുപ്പ് കൂടി പൂര്‍ത്തിയായ ശേഷമാണ് ഈ നടപടിയിലേക്ക് തിരഞ്ഞെടുപ്പ് കമ്മീഷന്‍ കടന്നത്. 70 അംഗ സഭയില്‍ 66 പേരുടെ  ഭൂരിപക്ഷമുള്ളതിനാല്‍ 20 അംഗങ്ങള്‍ അയോഗ്യരായാലും 46 പേരുടെ ഭൂരിപക്ഷം സര്‍ക്കാരിന് ഉണ്ടാകും.