പതിനാലുകാരന്റെ കൊലപാതകം; അച്ഛനെയും സഹോദരിയെയും ചോദ്യം ചെയ്യും

കൊല്ലത്തെ പതിനാലുകാരന്റെ കൊലപാതകത്തിൽ അച്ഛനെയും സഹോദരിയെയും ചോദ്യം ചെയ്യും. അമ്മയുടെ മൊഴിയുടെ അടിസ്ഥാനത്തിൽ മറ്റ് ബന്ധുക്കളെയും ചോദ്യം ചെയ്‌തേക്കുമെന്നും സൂചനയുണ്ട്.

കൊട്ടിയത്ത് മൂന്ന് ദിവസങ്ങൾക്കുമുമ്പ് കാണാതായ 14 വയസുകാരനെ കഴിഞ്ഞ ദിവസമാണ് മരിച്ച നിലയിൽ കണ്ടെത്തിയത്. കൊല്ലം കൊട്ടിയം സ്വദേശി ജിത്തു ജോബിനെയാണ് മരിച്ച നിലയിൽ കണ്ടെത്തിയത്. ബുധനാഴ്ച വൈകുന്നേരം കുടുംബ വീടിന് സമീപം കത്തിക്കരിഞ്ഞ നിലയിലാണ് മൃതദേഹം കണ്ടെത്തിയത്.