നടിയെ അക്രമിച്ച ദൃശ്യങ്ങളുടെ പകർപ്പ് വേണമെന്ന ദിലീപിന്റെ ഹർജി ഇന്ന് പരിഗണിക്കും

നടിയെ ആക്രമിച്ച ദൃശ്യങ്ങളുടെ പകർപ്പ് വേണമെന്ന ദിലീപിൻറെ ഹർജി ഇന്ന് അങ്കമാലി മജിസ്‌ട്രേറ്റ് കോടതി പരിഗണിക്കും. കുറ്റപത്രത്തോടൊപ്പമുള്ള രേഖകൾ വേണമെന്ന മറ്റൊരു ഹർജിയും കോടതിയുടെ പരിഗണനയിലുണ്ട്.

നടിയുടെ സ്വകാര്യതയെ സംബന്ധിക്കുന്ന വിഷയം പ്രതിഭാഗം ദുരുപയോഗം ചെയ്യുമെന്നതിനാൽ ദൃശ്യങ്ങൾ വിട്ടുനൽകരുതെന്ന നിലപാട് കോടതിയെ അറിയിക്കാൻ അന്വേഷണ സംഘം തീരുമാനിച്ചിട്ടുണ്ട്. പൊലീസ് സമർപ്പിച്ച രേഖകൾ പ്രതിഭാഗത്തിൻറെ അവകാശമെന്നാണ് ദിലീപിൻറെ വാദം.