കൊല്ലത്ത് ആന ഇടഞ്ഞു; 12 പേർക്ക് പരിക്ക്

കൊല്ലം തഴുത്തലയിൽ ഉത്സവത്തിനിടെ ആന ഇടഞ്ഞു. കൊട്ടിയത്ത് എഴുന്നള്ളത്തിനിടെയാണ് ആന ഇടഞ്ഞത്. ഇടഞ്ഞ ആനയെ മയക്കുവെടിവെച്ചാണ് തളച്ചത്. സംഭവത്തിൽ 12 പേർക്ക് പരിക്കുണ്ട്.

ഇടഞ്ഞ ആനയെ മയക്ക് വെടിവച്ചു തളച്ചു. തഴുത്തല ഗണപതി ക്ഷേത്ര മൈതാനത്തിനു സമീപം റോഡിലാണ് ആന ഇടഞ്ഞത്. ആനയുടെ വാലിൽ ചിലർ പിടിച്ചതാണ് ഇടയാൻ കാരണം. ആന ഇടഞ്ഞതോടെ ജനം പരിഭ്രാന്തരായി ഓടി.ആന പുറത്തിരുന്നവർക്ക് താഴെ ഇറങ്ങാൻ പറ്റാതെ വന്നു. ഇവരെയും കൊണ്ട് ആന തിരിഞ്ഞോടി. ഇതിനിടെ ആന പുറത്തിരുന്ന ഒരാൾ താഴെ വീണു. ആന റോഡിലൂടെ ഓടി വരുന്നതു കണ്ടു പരിഭ്രാന്തരായി ഓടിയവരാണു വീണു പരുക്കേറ്റത്.