ദിലീപിന്റെ ഹർജി പരിഗണിക്കുന്നത് മാറ്റിവെച്ചു

നടിയെ അക്രമിച്ച കേസിൽ ദിലീപ് നൽകിയ ഹർജി പരിഗണിക്കുന്നത് ഈ മാസം 25 ലേക്ക് മാറ്റി വെച്ചു. നടിയെ അക്രമിക്കുന്നതിന്റെ ദൃശ്യങ്ങളുടെ പകർപ്പ് ആവശ്യപ്പെട്ടായിരുന്നു ദിലീപിന്റെ ഹർജി.

അതേസമയം, നടി ആക്രമിക്കപ്പെട്ട കേസിൽ സമർപ്പിച്ച രേഖകളുടെയും ദൃശ്യങ്ങളുടെയും പകർപ്പ് പ്രതിയായ ദിലീപിന് നൽകരുതെന്ന് പൊലീസ് കോടതിയിൽ അറിയിച്ചു. ദിലീപിന്റേത് നടിയെ അപമാനിക്കാനുള്ള നീക്കമാണെന്നും അതുകൊണ്ട് പൾസർ സുനി പകർത്തിയ ദൃശ്യങ്ങൾ നൽകരുതെന്നുമാണ് പൊലീസിന്റെ ആവശ്യം. സാമാന്യ ബുദ്ധിക്ക് നിരക്കാത്ത കാര്യങ്ങളാണ് ദിലീപ് ഹർജിയിൽ പറയുന്നതെന്നും പൊലീസ് പറയുന്നു.