സിറിയ മതംമാറ്റ കേസില്‍ ശക്തമായ നടപടികളുമായി എന്‍ഐഎ

പത്തനംതിട്ട സ്വദേശിയായ യുവതിയെ മതംമാറ്റി സിറിയയിലേക്ക് കടത്താന്‍ ശ്രമിച്ച കേസില്‍ ശക്തമായ നടപടികള്‍ സ്വീകരിക്കാനും കേസ് വളരെ കാര്യമായി എടുക്കാനും എന്‍ഐഎ. കേസില്‍ പ്രതികളായ ഒന്‍പത് പേര്‍ക്കെതിരെ എന്‍ഐഎ എഫ്‌ഐആര്‍ ഫയല്‍ ചെയ്തു. പെണ്‍കുട്ടിയെ വിവാഹം കഴിച്ച മുഹമ്മദ് റിയാസാണ് കേസില്‍ ഒന്നാം പ്രതി. വിവാഹം കഴിച്ച് സിറിയയിലേക്ക് കടത്താനായിരുന്നു പ്രതികളുടെ തീരുമാനം. റിയാസ് അടക്കം ഏഴ് പേരെ ഇനിയും അറസ്റ്റ് ചെയ്യാനുണ്ട്. മൂന്ന് പേര്‍ ബംഗളൂരു സ്വദേശികളാണ്. ഡാനിഷ് നജീബ്, മോയിന്‍ പട്ടേല്‍, ഇല്ല്യാസ് പട്ടേല്‍ എന്നിവരാണ് ബംഗളൂരു സ്വദേശികള്‍.