സംസ്ഥാന സര്‍ക്കാരിന് സുപ്രീം കോടതിയുടെ വിമര്‍ശനം

ശിശുസംരക്ഷണ കേന്ദ്രങ്ങളുടെ രജിസ്‌ട്രേഷന്‍ പൂര്‍ത്തിയാക്കാത്തതിന് സംസ്ഥാന സര്‍ക്കാരിന് സുപ്രീം കോടതിയുടെ വിമര്‍ശം. ഈ കാര്യത്തില്‍ സര്‍ക്കാരിന് ഉത്തരവാദിത്വ ബോധമില്ലെന്നും കോടതി വിമര്‍ശിച്ചു. രജിസ്‌ട്രേഷന്‍ പൂര്‍ത്തിയാകുംവരെ ശിശുസംരക്ഷണ കേന്ദ്രങ്ങളിലെ പീഡനങ്ങളുടെയും കുട്ടിക്കടത്തലിന്റെയും പൂര്‍ണ ഉത്തരവാദിത്വം ചീഫ് സെക്രട്ടറിയ്ക്കായിരിക്കുമെന്നും കോടതി പറഞ്ഞു. സംസ്ഥാനത്തെ ശിശുസംരക്ഷണ കേന്ദ്രങ്ങളുടെ രജിസ്ട്രേഷൻ പൂർത്തിയാക്കാൻ ആറ് മാസം കൂടി സമയം വേണമെന്ന കേരളത്തിന്‍റെ ആവശ്യമാണ് സുപ്രീം കോടതിയെ പ്രകോപിപ്പിച്ചത്.