സൈനിക വെടിവയ്പ്പില്‍ പരിക്കേറ്റ ഒരാള്‍ കൂടി മരിച്ചു

ജമ്മുകാശ്മീരിലെ ഷോപ്പിയാനയില്‍ സൈന്യത്തിന് നേരെ കല്ലെറിഞ്ഞവര്‍ക്കെതിരെ സൈന്യം വെടിവയ്പ്പ് നടത്തിയതില്‍ പരിക്കേറ്റ് കഴിഞ്ഞിരുന്ന ഒരാള്‍ കൂടി മരിച്ചതായി റിപ്പോര്‍ട്ടുകള്‍. ആശുപത്രിയില്‍ ചികിത്സയിലായിരുന്ന റയീസ് അഹമ്മദാണ് മരിച്ചത്. സൈന്യത്തിന് നേരെ ശനിയാഴ്ചയാണ് കല്ലേറ് ഉണ്ടായത്. കല്ലേറ് രൂക്ഷമായതോടെ പോലീസ് കല്ലെറിഞ്ഞവര്‍ക്ക് നേരെ നിറയൊഴിക്കുകയായിരുന്നു. വെടിവയ്പ്പില്‍ നേരത്തേ തന്നെ രണ്ട് പേര്‍ മരണപ്പെട്ടിരുന്നു.