സപ്‌ന ദീദിയായി വേഷമിടാനൊരുങ്ങി ദീപിക പദുക്കോൺ

അധോലോകത്തെ വിറപ്പിച്ച ഗുണ്ടാറാണി സപ്നാ ദീദിയാകാനൊരുങ്ങി സൂപ്പർ താരം ദീപിക പദുക്കോൺ. അധോലോക നായകൻ ദാവൂദ് ഇബ്രാഹിമിനൊപ്പം പ്രവർത്തിച്ചിരുന്ന ഒരാളുടെ ഭാര്യയായിരുന്നു സപ്നാ ദീദി.

ഇവരുടെ ഭർത്താവിനെ ദാവൂദ് പൊലീസുമായുള്ള ഏറ്റുമുട്ടലിൽ പെടുത്തി കൊലപ്പെടുത്തുകയായിരുന്നു. ഇതിനെത്തുടർന്ന് ഇവർ ദാവൂദിനെതിരെ പ്രതികാരം ചെയ്യാനായി തിരിയുകയും ഇയാളെക്കുറിച്ചുള്ള വിവരങ്ങൾ പൊലീസിന് ചോർത്തിനൽകാൻ ശ്രമിക്കുകയും ചെയ്തു.

എന്നാൽ പിന്നീട് ഇവർ ഏറ്റുമുട്ടലിൽ കൊല്ലപ്പെടുകയായിരുന്നു. വിശാൽ ഭരദ്വാജിന്റെ ചിത്രത്തിൽ ദീപികക്കൊപ്പം ഇർഫാൻ ഖാനും ഒരു പ്രധാന കഥാപാത്രത്തെ അവതരിപ്പിക്കുന്നു.