എകെജിയെ അനുസ്മരിച്ച് ധനമന്ത്രി; സ്മാരകത്തിന് 10 കോടി

എകെജിയുടെ നാട്ടില്‍ അദ്ദേഹത്തിന്റെ ഓര്‍മ്മയ്ക്ക് സ്മാരകം നിര്‍മ്മിക്കാന്‍ സംസ്ഥാന സര്‍ക്കാരിന്റെ ബജറ്റില്‍ 10 കോടി രൂപ അനുവദിച്ചു. എകെജി പുതിയ തലമുറയ്ക്ക് മാതൃകയാണെന്ന് ഇന്നത്തെ ബജറ്റ് അവതരണത്തിനിടെ ധനമന്ത്രി തോമസ് ഐസക് പറഞ്ഞു. എകെജിയെക്കുറിച്ച് പത്‌നി സുശീല ഗോപാലന്‍ എഴുതിയ വരികളും ധനമന്ത്രി തോമസ് ഐസക് ബജറ്റ് അവതരണത്തിനിടെ ഉദ്ധരിച്ചു. 10 കോടി രൂപയാണ് എകെജി സ്മാരകത്തിന് അനുവദിച്ചിരിക്കുന്നത്. ഇതിനു പുറമേ, പുന്നപ്ര-വയലാര്‍ സ്മാരകത്തിനു 10 കോടിയും ഓഎന്‍വി സ്മാരകത്തിന് അഞ്ച് കോടിയും അനുവദിച്ചിട്ടുണ്ട്.