സാങ്കേതീക വിദ്യാഭ്യാസ സ്ഥാപനങ്ങളുടെ അനുമതി; സർക്കാർ നയം ഒരാഴ്ചക്കകം ഹാജരാക്കാൻ ഉത്തരവിട്ട് ഹൈക്കോടതി

സംസ്ഥാനത്ത് സാങ്കേതീക വിദ്യാഭ്യാസ സ്ഥാപനങ്ങളുടെ അനുമതിക്കാര്യത്തിൽ സർക്കാർ നയം ഒരാഴ്ചക്കകം
ഹാജരാക്കാൻ സർക്കാരിന് ഹൈക്കോടതി നിർദേശം. 2018-19 അധ്യയന വർഷത്തേക്കുള്ള സർക്കാർ നയം ജനുവരി 31 ന് മുൻപ് പ്രഖ്യാപിക്കണമെന്നാണ് അഖിലേന്ത്യാ സാങ്കേതിക വിദ്യാഭാസ കൗൺസിലിന്റ നിർദേശം .

സർക്കാർ ഇനിയും നയം പ്രഖ്യാപിച്ചിട്ടില്ലെന്നും ഇത് സാകേതിക സ്ഥാപനങ്ങൾ കൂണുപോലെ മുളച്ചുപൊന്താൻ ഇടയാക്കുമെന്ന് ചൂണ്ടിക്കാട്ടി സമർപ്പിച്ച ഹർജിയാണ് കോടതി പരിഗണിച്ചത്.

സംസ്ഥാനത്ത് അടച്ചുപൂട്ടൽ ഭീഷണി നേരിടുന്ന 118 സ്വാശ്രയ എഞ്ചിനീയറിംഗ് കോളജുകൾ പോളിടെക് നിക്കുകളായി മാറ്റാൻ നീക്കം നടക്കുകയാണെന്നും ഇത് തടയണമെന്നുമാണ് ഹർജിയിലെ പ്രധാന ആവശ്യം.