അഭിനയം നിറുത്തുന്നുവെന്ന അഭ്യൂഹം തള്ളി കമല്‍ഹാസന്‍

രാഷ്ട്രീയത്തില്‍ ഇറങ്ങിയാല്‍ അഭിനയം അവസാനിപ്പിക്കുമെന്ന അഭ്യൂഹങ്ങള്‍ നടന്‍ കമല്‍ഹാസന്‍ തള്ളി. മൂന്ന് ചിത്രങ്ങള്‍ ബാക്കിയുണ്ട് അത് പൂര്‍ത്തിയായ ശേഷം മാത്രമേ അഭിനയം തുടരണമോ എന്ന കാര്യം തീരുമാനിക്കുകയുള്ളൂ എന്നാണ് താരം പ്രതികരിച്ചത്. അഭിനയം ഉപേക്ഷിക്കുകയാണെന്ന തരത്തില്‍ ഇന്നലെ വാര്‍ത്തകള്‍ പ്രചരിച്ചിരുന്നു. അതേസമയം രാഷ്ട്രീയത്തില്‍ ഇറങ്ങാനുള്ള തീരുമാനം അന്തിമമാണെന്ന് കമല്‍ പറഞ്ഞു. അതില്‍നിന്ന് ഒരിക്കലും പിന്‍മാറില്ല, രാഷ്ട്രീയത്തില്‍ പരാജയപ്പെട്ടാലും പൊതുരംഗത്തുനിന്ന് പിന്‍മാറില്ലെന്നാണ് കമല്‍ഹാസന്‍ വ്യക്തമാക്കിയത്. ഈ മാസം 21-ന് മധുരയില്‍ നടക്കുന്ന പൊതുസമ്മേളനത്തില്‍ പുതിയ പാര്‍ട്ടിയുടെ പേരും നയങ്ങളും താരം പ്രഖ്യാപിക്കും.

kamal hasan