അരവിന്ദര്‍ സിംഗ് ലൗലി ബിജെപി വിട്ടു; വീണ്ടും കോണ്‍ഗ്രസിലേക്ക്

ഒന്‍പത് മാസങ്ങള്‍ക്കു മുന്‍പ് കോണ്‍ഗ്രസ് വിട്ട് ബിജെപിയിലേക്ക് ചേക്കേറിയ ഡല്‍ഹിയിലെ മുന്‍ പിസിസി അധ്യക്ഷന്‍ കൂടിയായ അരവിന്ദര്‍ സിംഗ് ലൗലി കോണ്‍ഗ്രസിലേക്ക് തിരിച്ചെത്തി. കോണ്‍ഗ്രസ് അധ്യക്ഷന്‍ രാഹുല്‍ ഗാന്ധിയുമായുള്ള ചര്‍ച്ചകള്‍ക്ക് ശേഷമാണ് പാര്‍ട്ടിയിലേക്ക് തിരിച്ചെത്തുന്ന കാര്യം പ്രഖ്യാപിച്ചത്. 2017 ഏപ്രിൽ നാലിനാണ് അരവിന്ദര്‍ ബിജെപിയിൽ ചേർന്നത്. കോണ്‍ഗ്രസ് മരിച്ചുവെന്നും പാർട്ടിയിൽ വലിയ അഴിമതിയാണ് നടക്കുന്നതെന്നും ആരോപിച്ചാണ് അരവിന്ദര്‍ പാർട്ടി വിട്ടത്.