മലാപ്പറമ്പ് സ്‌കൂൾ ഏറ്റെടുക്കൽ; സർക്കാരിനെ അഭിനന്ദിച്ച് സുപ്രീംകോടതി

മലാപ്പറമ്പ് എയുപി സ്‌കൂൾ ഉൾപ്പെടെ മൂന്ന് സ്‌കൂളുകൾ സംസ്ഥാന സർക്കാർ ഏറ്റെടുത്തത് ശരിവച്ച് സുപ്രീംകോടതി.

സർക്കാർ നടപടി പൊതുജനക്ഷേമവും വിദ്യാഭ്യാസമേഖലയുടെ സംരക്ഷണവും മുൻനിർത്തിയാണെന്ന് ജസ്റ്റിസുമാരായ എകെ സിക്രി, അശോക് ഭൂഷൺ എന്നിവർ അംഗങ്ങളായ ബെഞ്ച് അഭിപ്രായപ്പെട്ടു.

കോഴിക്കോട് മലാപ്പറമ്പ് എയുപി, പാലാട്ട് എയുപി, തൃശൂർ കിരാലൂർ പിഎംഎൽപി സ്‌കൂൾ എന്നിവ ഏറ്റെടുത്തതിനെതിരെ മാനേജ്‌മെന്റുകളാണ് സുപ്രീംകോടതിയെ സമീപിച്ചത്. ഹർജികൾ തള്ളിയ സുപ്രീംകോടതി പ്രാഥമികവിദ്യാഭ്യാസസ്ഥാപനങ്ങൾ നിലനിർത്താനുള്ള സർക്കാർ നീക്കത്തെ അഭിനന്ദിച്ചു.