മധുവിന്റെ കുടുംബത്തിന് സർക്കാർ സഹായം നൽകും; സംഭവത്തിൽ മജിസ്‌ട്രേറ്റ് തല അന്വേഷണം നടത്തും : മന്ത്രി എകെ ബാലൻ

മധുവിന്റെ കുടുംബത്തിന് സർക്കാർ സഹായം നൽകുമെന്ന് മന്ത്രി എകെ ബാലൻ. കുറ്റവാളികൾ ആരും രക്ഷപ്പെടില്ലെന്നും, സംഭവത്തിൽ മജിസ്‌ട്രേറ്റ് തല അന്വേഷണം നടത്തുമെന്നും മന്ത്രി അറിയിച്ചു. മന്ത്രി എകെ ബാലൻ നാളെ അട്ടപ്പാടി സന്ദർശിക്കും.

മോഷണക്കുറ്റം ആരോപിച്ച് മർദ്ദിച്ച കൊലപ്പെടുത്തിയ ആദിവാസി യുവാവ് മധുവിന്റെ മരണത്തിൽ നാടെങ്ങും വൻ പ്രതിഷേധമാണ് അരങ്ങേറുന്നത്. അട്ടപ്പാടിയിൽ ആദിവാസികൾ റോഡ് ഉപരോധിക്കുന്നുണ്ട്. നേരത്തെ മധുവിന്റെ മൃതദേഹവുമായി പോയ ആംബുലൻസ് തടഞ്ഞിരുന്നു.