ദേശീയ സീനിയര്‍ വോളിബോള്‍; ഫൈനലില്‍ കേരളത്തിന്റെ പെണ്‍പ്പട വീണ്ടും തോറ്റു

കോഴിക്കോട്: സായിപ്പിനെ കാണുമ്പോള്‍ കവാത്ത് മറക്കുക എന്ന ചൊല്ല് കേരളത്തിന്റെ വോളിബോള്‍ വനിത ടീമിലേക്ക് വരുമ്പോള്‍ ചെറിയൊരു വകഭേദത്തിന് കാരണമാകും. കേരളത്തിന്റെ പെണ്‍പ്പട ഫൈനലിലേക്ക് എത്തുമ്പോള്‍ കളി മറക്കുകയാണ് ഇവിടെ. ഇന്ന് നടന്ന ദേശീയ വോളിബോള്‍ വനിത വിഭാഗം ഫൈനലില്‍ കേരളത്തിന് പരാജയം ഏറ്റുവാങ്ങേണ്ടി വന്നു. ദേശീയ വോളിബോള്‍ ചാമ്പ്യന്‍ഷിപ്പിന്റെ ഫൈനലില്‍ കേരളം തുടര്‍ച്ചയായി പത്താം തവണയാണ് തോറ്റ് കിരീടം നഷ്ടപ്പെടുത്തുന്നത്. അതും എതിരാളികള്‍ റെയില്‍വേസും. ഇന്ന് റെയില്‍വേസിനെതിരെ നടന്ന ഫൈനല്‍ പോരാട്ടത്തില്‍ രണ്ടിനെതിരെ മൂന്ന് സെറ്റുകള്‍ക്കാണ് കേരളത്തിന്റെ പരാജയം. റെയില്‍വേസ് കിരീടം നിലനിര്‍ത്തി.

അ​ഞ്ച് സെ​റ്റ് നീ​ണ്ട​പോ​രാ​ട്ട​ത്തി​നൊ​ടു​വി​ലാ​ണ് കേ​ര​ളം പ​രാ​ജ​യം സ​മ്മ​തി​ച്ച​ത്. ആ​ദ്യ സെ​റ്റ് വി​ട്ടു​കൊ​ടു​ത്ത കേ​ര​ളം തൊ​ട്ട​ടു​ത്ത ര​ണ്ടു സെ​റ്റു​ക​ൾ ശ​ക്ത​മാ​യ പോ​രാ​ട്ട​ത്തി​ലൂ​ടെ സ്വ​ന്ത​മാ​ക്കി മ​ത്സ​ര​ത്തി​ലേ​ക്ക് തി​രി​ച്ചു​വ​ന്നു. എ​ന്നാ​ൽ അ​വ​സാ​ന ര​ണ്ടു സെ​റ്റു​ക​ൾ സ്വ​ന്ത​മാ​ക്കി റെ​യി​ല്‍​വേ​സ് കി​രീ​ടം നി​ല​നി​ർ​ത്തി. സ്കോ​ർ: 25-11, 26-28, 21-25, 25-18, 15-12