അതിർത്തിയിൽ ഏറ്റുമുട്ടൽ; ഒരു ഭീകരനെ വധിച്ചു

ജമ്മുകശ്മീരിലെ ബന്ദിപ്പോരയിൽ സുരക്ഷാ സേനയും ഭീകരരും തമ്മിൽ ഏറ്റമുട്ടൽ. ഏറ്റുമുട്ടലിൽ ഒരു ഭീകരനെ വധിച്ചു.

ഹജിൻ ഏരിയയിലെ ശകുർദിൻ ഗ്രാമത്തിൽ ആയുധധാരികളായ ഭീകരർ ഒളിച്ചിരിക്കുന്നുവെന്ന വിവരം ലഭിച്ചതിനെ തുടർന്ന് സുരക്ഷാ സേന പ്രദേശം വളഞ്ഞ് തെരച്ചിൽ ആരംഭിക്കുകയായിരുന്നു. ഇതിനിടെ ഒളിച്ചിരുന്ന ഭീകരർ സൈന്യത്തിന് നേരെ വെടിയുതിർക്കാൻ തുടങ്ങിയതോടെ തെരച്ചിൽ പ്രക്രിയ ഏറ്റുമുട്ടലായി മാറുകയായിരുന്നു.