സോളാര്‍ റിപ്പോര്‍ട്ട് ഹൈക്കോടതി ഇന്ന് വാദം കേള്‍ക്കും

സോളാര്‍ കമ്മീഷന്‍ റിപ്പോര്‍ട്ട് റദ്ദാക്കണമെന്നാവശ്യപ്പെട്ട് ഉമ്മന്‍ചാണ്ടി സമര്‍പ്പിച്ച ഹര്‍ജിയില്‍ ഹൈക്കോടതി വിശദമായ വാദം കേള്‍ക്കും.  സരിതയുടെ വ്യാജ കത്ത് മുഖവിലയ്‌ക്കെടുത്താണ് സോളാര്‍ കമ്മീഷന്‍ റിപ്പോര്‍ട്ട് തയ്യാറാക്കിയതെന്നാണ് ഉമ്മന്‍ ചാണ്ടിയുടെ വാദം. സുപ്രീംകോടതിയിലെ മുതിര്‍ന്ന അഭിഭാഷകന്‍ കപില്‍ സിബല്‍ ഉമ്മന്‍ ചാണ്ടിയ്ക്കായി ഹാജരാകും. കമ്മീഷന്‍ റിപ്പോര്‍ട്ടിലെ തനിയ്‌ക്കെതിരായ പരാമര്‍ശങ്ങള്‍ നീക്കം ചെയ്യണമെന്നാവശ്യപ്പെട്ട് തിരുവഞ്ചൂര്‍ രാധാകൃഷ്ണനും കോടതിയെ സമീപിച്ചിട്ടുണ്ട്. ഈ രണ്ട് ഹര്‍ജികളെയും എതിര്‍ത്തു കൊണ്ട് സര്‍ക്കാര്‍ മറുപടി സത്യവാങ് മൂലം നല്‍കിയിട്ടുണ്ട്.  കേസില്‍ സോളിസിറ്റര്‍ ജനറല്‍ രഞ്ജിത്ത് കുമാറാണ് സര്‍ക്കാരിന് വേണ്ടി ഹാജരാകുന്നത്.