ഇടപ്പള്ളി മെട്രോ സ്റ്റേഷന്‍ ഇന്ന് സ്ത്രീകളുടെ കയ്യില്‍ ഭദ്രം

അന്താരാഷ്ട്ര വനിതാ ദിനമായ ഇന്ന് കൊച്ചി മെട്രോയുടെ ഇടപ്പള്ളി സ്റ്റേഷന്‍ പ്രവര്‍ത്തിപ്പിക്കുന്നത് വനിതാ ജീവനക്കാര്‍. ടെക്നിക്കല്‍ വിഭാഗം മുതല്‍ സെക്യൂരിറ്റി വിഭാഗം വരെ ഇന്ന് സ്ത്രീകള്‍ കൈകാര്യം ചെയ്യും. ഇടപ്പള്ളി സ്റ്റേഷനില്‍ ഫീഡിംഗ് റൂം നാപ്കിന്‍ വൈന്‍ഡിംഗ് മിഷ്യനും ഇന്ന് ഉദ്ഘാടനം ചെയ്യും. കെഎംഎംആര്‍എല്‍ എംഡി എപിഎം മുഹമ്മദ് ഹനീഷാണ് ഉദ്ഘാടനം ചെയ്യുന്നത്. വനിതാ ദിനത്തിന്റെ ഭാഗമായി കളരിപ്പയറ്റ് വിദഗ്ദ്ധ മീനാക്ഷിയമ്മയുമായി കഴിഞ്ഞ ദിവസം സംവാദം സംഘടിപ്പിച്ചിരുന്നു.