കണ്ണൂരില്‍ ഗാന്ധി പ്രതിമ ആക്രമിച്ചു

തളിപ്പറമ്പില്‍ ഗാന്ധി പ്രതിമയ്‌ക്ക് നേരെ ആക്രമണം. തളിപ്പറമ്പ് താലൂക്ക് ഓഫീസിന് മുന്നില്‍ ഉള്ള ഗാന്ധി പ്രതിമയാണ് ആക്രമിക്കപ്പെട്ടത്.  പ്രതിമയുടെ കണ്ണടയും പ്രതിമയില്‍ ഉണ്ടായിരുന്ന മാലയും  നശിപ്പിച്ചു. ഇന്ന് രാവിലെ ഏഴ്മണിയോടെയാണ് സംഭവം. അക്രമിച്ചയാള്‍ സ്ഥലത്ത് നിന്ന് ഓടിപ്പോവുകയായിരുന്നു. മോട്ടോര്‍ വാഹന വകുപ്പ് ഓഫീസിലെത്തിയവരാണ് സംഭവം കണ്ട് പൊലീസിനെ അറിയിച്ചത്.