പാക് മുന്‍ പ്രധാനമന്ത്രി നവാസ് ഷെരീഫിനു നേരെ ചെരിപ്പേറ്‌

ഇസ്‌ലാമാബാദ്: പാക്കിസ്ഥാൻ മുൻ പ്രധാനമന്ത്രി നവാസ് ഷെരീഫിനു നേരെ ചെരിപ്പേറ്. ലഹോറിലെ ഗർഹി സാഹുവിലുള്ള ജമിയ നമിയ മതപാഠശാലയിൽ വച്ചാണ് സംഭവം. മുഫ്തി മുഹമ്മദ് ഹുസൈൻ നൈയ്മി അനുസ്മരണ ചടങ്ങായിരുന്നു വേദി.ചട‌ങ്ങിലെ മുഖ്യപ്രഭാഷകനായിരുന്ന ഷെരീഫ് സംസാരിക്കാനായി പ്രസംഗപീഠത്തിന് അടുത്തെത്തിയപ്പോഴാണ് സദസിൽ നിന്ന് ഒരാൾ ഷെരീഫിനു നേരെ ചെരുപ്പെറിഞ്ഞത്. ഉടൻ തന്ന ഉയാളെ സംഘാടകർ പിടികൂടകയും സ്ഥലത്തു നിന്ന് മാറ്റുകയും ചെയ്തു. അതേസമയം, പ്രസംഗം തുടരാനായിരുന്നു ഷെരീഫിന്‍റെ തീരുമാനം. ഇവിടുത്തെ തന്നെ പൂർവ്വ വിദ്യാർഥിയായ തൽഹ മുനവറാണ് ചെരുപ്പെറിഞ്ഞത്.