രണ്ടത്താണിയില്‍ വാഹനാപകടം; മൂന്ന് വയസ്സുകാരനും മുത്തച്ഛനും മരിച്ചു

രണ്ടത്താണി ദേശീയപാതയിൽ കാറും ടൂറിസ്റ്റ് ബസും കൂട്ടിയിടിച്ച് ഉണ്ടായ അപകടത്തില്‍ രണ്ടു പേർ മരിച്ചു.പുലർച്ചെ ഒരു മണിയോടെയായിരുന്നു അപകടം. കണ്ണൂർ കേളകം സ്വദേശി മാമ്പിള്ളിക്കുന്നേല്‍ ഡോമിനിക് ജോസഫ്, മകളുടെ മകൻ മൂന്നു വയസുകാരൻ ഡാൻ ജോർജ്  എന്നിവരാണ് മരിച്ചത്.

ഭാര്യ മേഴ്സി ഡൊമിനിക്, മകളുടെ ഭർത്താവ് ജോർജ് ദേവസ്യ എന്നിവർക്ക് പരിക്കേറ്റു. ഇവരെ കോട്ടക്കലിലെ സ്വകാര്യ ആശുപത്രിയിൽ പ്രവേശിപ്പിച്ചിരിക്കുകയാണ്.