എയര്‍ ഇന്ത്യയുടെ ട്വിറ്റര്‍ പേജ് ഹാക്ക് ചെയ്തു

എയര്‍ ഇന്ത്യയുടെ ഔദ്യോഗിക ട്വിറ്റര്‍ പേജ് തുര്‍ക്കി സൈബര്‍ ഹാക്കര്‍മാര്‍ ഹാക്ക് ചെയ്തു. @airindian എന്ന വിലാസത്തിലുള്ള അക്കൗണ്ട് ആണ് ഹാക്ക് ചെയ്യപ്പെട്ടത്. വ്യാഴാഴ്ച പുലര്‍ച്ചെയോടെയാണ് അക്കൗണ്ട് ഹാക്ക് ചെയ്ത വിവരം ശ്രദ്ധയില്‍ പെടുന്നത്. തുര്‍ക്കി ഭാഷയിലുള്ള സന്ദേശങ്ങള്‍ പേജില്‍ പ്രത്യക്ഷപ്പെട്ടതോടെയാണ് ഹാക്ക് ചെയ്ത വിവരം മനസിലാവുന്നത്. മണിക്കൂറുകള്‍ക്കുള്ളില്‍ തന്നെ അക്കൗണ്ട് പുനസ്ഥാപിച്ചു. 1,46,000 പേരാണ് ട്വിറ്ററില്‍ എയര്‍ ഇന്ത്യയുടെ അക്കൗണ്ട് പിന്തുടരുന്നത്.