സൽമാൻ ഖാന് ജാമ്യം
കൃഷ്ണമൃഗത്തെ വേട്ടയാടിയ കേസിൽ സൽമാൻ ഖാന് ജാമ്യം. ജോധ്പൂർ സെഷൻസ് കോടതിയാണ് ജാമ്യം അനുവദിച്ചത്. 50,000 രൂപ ബോണ്ടിലാണ് ജാമ്യം അനുവദിച്ചിരിക്കുന്നത്. വൈകീട്ട് 7 മണിയോടുകൂടി സൽമാൻ ഖാൻ ജാമ്യത്തിലിറങ്ങും.
ഇന്ന് കേസിൽ സൽമാൻ ഖാനെ ശിക്ഷിച്ച വിചാരണ കോടതി ജഡ്ജിയെ സ്ഥലം മാറ്റിയിരുന്നു. സൽമാൻ ഖാന്റെ ജാമ്യാപേക്ഷ പരിഗണിക്കുന്ന ജോധ്പൂർ സെഷൻസ് ജഡ്ജിയെയും സ്ഥലം മാറ്റിയിരുന്നു. ഇതിന് പിന്നാലെയാണ് താരത്തിന് ഇപ്പോൾ ജാമ്യം ലഭിച്ചിരിക്കുന്നത്.
1998 ഒക്ടോബർ ഒന്ന്, രണ്ട് തീയതികളിൽ ജോധ്പുരിലെ കൺകാണി വില്ലേജിൽ രണ്ടു കൃഷ്ണമൃഗങ്ങളെ സൽമാൻ ഖാൻ വേട്ടയാടി കൊലപ്പെടുത്തിയെന്നാണു കേസ്. ഹം സാത് സാത് ഹേ എന്ന ചിത്രത്തിന്റെ ഷൂട്ടിംഗിനാണു സൽമാൻ ജോധ്പുരിലെത്തിയത്.
salman khan
ട്വന്റിഫോർ ന്യൂസ്.കോം വാർത്തകൾ ഇപ്പോൾ വാട്സാപ്പ് വഴിയും ലഭ്യമാണ് Click Here