അച്ഛന്‍ മര്‍ദ്ദിച്ചു; മകള്‍ ടെറസില്‍ നിന്ന് താഴേക്ക് ചാടി; വീഡിയോ പുറത്ത്

മദ്യലഹരിയില്‍ പിതാവ് മര്‍ദ്ദിച്ചതിനെ തുടര്‍ന്ന് പെണ്‍കുട്ടി ടെറസില്‍ നിന്ന് താഴേക്ക് ചാടി.  രാജസ്ഥാനിലെ ജയ്പൂരിലാണ് സംഭവം.  12കാരിയായ പെണ്‍കുട്ടിയാണ് ടെറസില്‍ നിന്ന് താഴേക്ക് ചാടിയത്. പിതാവ് മര്‍ദ്ദനം നിറുത്തിയ ഉടനെ പെണ്‍കുട്ടി താഴേക്ക് ചാടുകയായിരുന്നു. അയല്‍വാസികളാണ് ഈ വീഡിയോ പകര്‍ത്തിയത്.   ദൃശ്യങ്ങള്‍ സോഷ്യല്‍ മീഡിയയില്‍ പ്രചരിച്ചതോടെയാണ് സംഭവം പുറത്തു വന്നത്.ടെറസില്‍ ഫോണില്‍ സംസാരിച്ചുകൊണ്ടിരിക്കുകയായിരുന്ന പെണ്‍കുട്ടിയെ മദ്യലഹരിയിലെത്തിയ പിതാവ് ക്രൂരമായി മര്‍ദിക്കുകയായിരുന്നു.  പൊലീസിനെ അറിയിച്ചെങ്കിലും ഒരു കിലോമീറ്റര്‍ മാത്രം ദൂരെയുള്ള സ്റ്റേഷനില്‍ നിന്ന് പൊലീസ് എത്തിയത് മൂന്ന് മണിക്കൂര്‍ കഴിഞ്ഞാണെന്നും ആരോപണമുണ്ട്.