മുതിര്‍ന്ന ബിജെപി നേതാവ് യശ്വന്ത് സിന്‍ഹ പാര്‍ട്ടി വിട്ടു

മുതിര്‍ന്ന നേതാവും മുന്‍ ധനകാര്യമന്ത്രിയുമായിരുന്ന യശ്വന്ത് സിന്‍ഹ ബിജെപി പാര്‍ട്ടി വിട്ടു. താന്‍ പാര്‍ട്ടി വിടുന്നതായി യശ്വന്ത് സിന്‍ഹ തന്നെയാണ് ഔദ്യോഗികമായി അറിയിച്ചത്. “എല്ലാ തരത്തിലുള്ള പാര്‍ട്ടി രാഷ്ട്രീയത്തില്‍ നിന്ന് താന്‍ ‘സന്യാസം’ സ്വീകരിക്കുകയാണ്. ബിജെപിയുമായുള്ള എല്ലാ ബന്ധവും ഇന്നത്തോടെ അവസാനിക്കുന്നു”- അദ്ദേഹം പറഞ്ഞു. നോട്ട് നിരോധനം മുതലായ വിഷയങ്ങളില്‍ നരേന്ദ്ര മോദിയെ വിമര്‍ശിച്ചുള്ള നേതാവാണ് യശ്വന്ത് സിന്‍ഹ. ബിജെപി ദേശീയ നിര്‍വാഹക സമിതി അംഗമാണ്.