കേരളാ തീരത്ത് കടല്‍ക്ഷോഭം രൂക്ഷമായേക്കും; കനത്ത ജാഗ്രത നിര്‍ദ്ദേശം

കേരളാ തീരത്ത് നാളെ രാത്രി വരെ കടല്‍ക്ഷോഭം തുടരുമെന്നും ശക്തമായ കാറ്റിനും മഴയ്ക്കും സാധ്യതയെന്നും കലാവസ്ഥാ നിരീക്ഷണ കേന്ദ്രം. തീരത്ത് മൂന്ന് മീറ്റര്‍ ഉയരത്തിലുള്ള തിരമാലകള്‍ ഉണ്ടായേക്കാം. കൊല്ലം ,ആലപ്പുഴ, കൊച്ചി, പൊന്നാനി, കോഴിക്കോട്, കണ്ണൂർ, കാസർഗോഡ്  എന്നീ തീരപ്രദേശങ്ങളിൽ കൂറ്റൻ  തിരമാലകൾ ഉണ്ടാകുമെന്നാണ് മുന്നറിയിപ്പ്.

തീരത്തു ഈ പ്രതിഭാസം കൂടുതൽ ശക്തി പ്രാപിക്കുവാൻ സാധ്യത ഉള്ളതിനാൽ തീരത്തിനോട് ചേർന്ന് മീൻപിടിക്കുന്നവർ കൂടുതൽ ശ്രദ്ധ പാലിക്കേണ്ടതാണ്.  ബോട്ടുകൾ കൂട്ടിമുട്ടി നാശം സംഭവിക്കാതിരിക്കുവാൻ നങ്കൂരമിടുമ്പോൾ അവ തമ്മിൽ ഒരു നിശ്ചിത അകലം പാലിക്കണം.

മീൻപിടുത്തക്കാരും  തീരദേശനിവാസികളും  മുന്നറിയിപ്പുകളിൽ ജാഗ്രത പാലിക്കണമെന്ന് കാലാവസ്ഥാ നിരീക്ഷണകേന്ദ്രം അറിയിച്ചു.