പോലീസ് അന്വേഷണത്തില്‍ വിശ്വാസമുണ്ട്; ലിഗയുടെ സഹോദരി എല്‍സ

സഹോദരി ലിഗയുടെ മരണവുമായി ബന്ധപ്പെട്ട് ഇപ്പോള്‍ നടക്കുന്ന പോലീസ് അന്വേഷണത്തില്‍ തനിക്ക് വിശ്വാസമുണ്ടെന്ന് ലിഗയുടെ സഹോദരി എല്‍സ. കേസ് അന്വേഷണത്തിന്റെ ചുമതലയുള്ള ഐജി മനോജ് എബ്രഹാമിനെ എല്‍സ നേരില്‍ കണ്ടു. തനിക്ക് പോലീസിനെതിരെ യാതൊരു പരാതികളുമില്ലെന്ന് എല്‍സ പറഞ്ഞു. സഹോദരി ഒരിക്കലും ആത്മഹത്യ ചെയ്യില്ലെന്നും പോസ്റ്റുമോർട്ടം റിപ്പോർട്ട് ലഭിച്ച ശേഷം നാട്ടിലേക്ക് മടങ്ങണമോ ഇവിടെ തുടരണമോയെന്ന് തിരുമാനിക്കുമെന്നും എല്‍സ വിശദമാക്കി.