അശ്വതി ജ്വാല പണപ്പിരിവ് നടത്തിയെന്ന ആരോപണം അടിസ്ഥാനരഹിതം; ലിഗയുടെ സഹോദരി

വിദേശ യുവതി ലിഗയുടെ മരണത്തിന്റെ പേരില്‍ ലിഗയുടെ കുടുംബത്തിന് സാമ്പത്തിക സഹായം നല്‍കാന്‍ സാമൂഹ്യ പ്രവര്‍ത്തക അശ്വതി ജ്വാല പണപ്പിരിവ് നടത്തിയെന്ന ആരോപണം അടിസ്ഥാനരഹിതമാണെന്ന് ലിഗയുടെ സഹോദരി ഇലീസ. വിഷയത്തില്‍ കൂടുതല്‍ വിവാദങ്ങള്‍ സൃഷ്ടിക്കരുതെന്നും അശ്വതിയെ തെറ്റിദ്ധരിക്കരുതെന്നും ഇലീസ മാധ്യമങ്ങളോട് പറഞ്ഞു. ലിഗയുടെ മരണവുമായി ബന്ധപ്പെട്ട് അശ്വതി പണപ്പിരിവ് നടത്തിയത് അന്വേഷിക്കണമെന്ന് പോലീസിന് ചിലര്‍ പരാതി നല്‍കിയിരുന്നു. ഈ സാഹചര്യത്തിലാണ് ഇലീസയുടെ പ്രസ്താവന.