ഇൻഡിഗോ പ്രസിഡന്റ് ആദിത്യ ഘോഷ് രാജിവെച്ചു

ഇൻഡിഗോ എയർലൈൻസ് പ്രസിഡന്റ് ആദിത്യ ഘോഷ് രാജിവച്ചു. രാഹുൽ ഭാട്ടിയയെ ഇടക്കാല ചീഫ് എക്‌സിക്യൂട്ടീവ് ഓഫീസറായും കമ്പനി ഡയറക്ടറായും നിയമിച്ചു.

കമ്പനിയുടെ മുഴുവൻ സമയ ഡയറക്ടർ സ്ഥാനവും ഘോഷ് രാജിവെച്ചു. പത്ത് വർഷക്കാലം ഇൻഡിഗോയ്ക്ക് വേണ്ടി പ്രവർത്തിച്ച ഘോഷ് മറ്റൊരു ദൗത്യത്തിലേക്കാണ് കടക്കുന്നത്.

ജൂലൈ 31 വരെ ഘോഷ് പ്രസിഡന്റായി തുടരും. കമ്പനിയുടെ മുൻ എക്‌സിക്യൂട്ടീവ് വൈസ് പ്രസിഡന്റ് ഗ്രെഗ് ടായലോറിനെ പ്രസിഡന്റായി നിയമിക്കുമെന്നും ഇൻഡിഗോ പ്രഖ്യാപിച്ചു.