സംസ്ഥാനത്ത് കനത്ത മഴയ്ക്കും ഇടിമിന്നലിനും സാധ്യത

കേരളം അടക്കം പത്തോളം സംസ്ഥാനങ്ങളില്‍ അടുത്ത രണ്ട് ദിവസങ്ങളില്‍ കനത്ത മഴയ്ക്കും ഇടിമിന്നലിനും സാധ്യതയുണ്ടെന്ന് കാലാവസ്ഥ നിരീക്ഷണ കേന്ദ്രം. മെയ് അഞ്ച് മുതല്‍ ഏഴ് വരെയാണ് കനത്ത മഴയ്ക്ക് സാധ്യതയുള്ളതായി പറയുന്നത്. ഉത്തര്‍പ്രദേശിലെയും രാജസ്ഥാനിലെയും പൊടിക്കാറ്റ് തുടരാനും സാധ്യത. ശക്തമായ പൊടിക്കാറ്റില്‍ 100 ലേറെ പേരാണ് ഇപ്പോള്‍ മരണപ്പെട്ടിരിക്കുന്നത്. പൊടിക്കാറ്റിന്റെ സ്ഥിതിയില്‍ മാറ്റമുണ്ടാകാന്‍ സാധ്യതയില്ലെന്നാണ് കാലാവസ്ഥ നിരീക്ഷണ കേന്ദ്രം അറിയിച്ചിരിക്കുന്നത്.