39 രൂപയ്ക്ക് പരിധിയില്ലാത്ത ഓഫറുമായി ബിഎസ്എൻഎൽ

39 രൂപയ്ക്ക് പരിധിയില്ലാത്ത ഓഫർ അവതരിപ്പിച്ച് ബിഎസ്എൻഎൽ. രാജ്യത്തെവിടെയുമുള്ള ബിഎസ്എൻഎൽ ഫോണുകളിലേക്ക് പരിധികളില്ലാതെയും മറ്റ് നെറ്റ്‌വർക്കുകളിലേക്ക് ദിവസം 200 മിനുറ്റും വിളിക്കാമെന്നതാണ് ഓഫറിന്റെ പ്രധാന ആകർഷണം. പ്രതിദിനം 100 എസ്എംഎസും ഈ ഓഫറിലുണ്ടാകും.

പത്ത് ദിവസമാണ് ഓഫറിന്റെ കാലാവധി. ഈമാസം 15 മുതൽ നിലവിലുള്ള 39 രൂപയുടെ ഓഫറിന് പകരമായിട്ടാവും പുതിയ ഓഫറെത്തുക. ഡൽഹി, മുംബൈ സർക്കിളുകൾക്ക് പുറത്തുള്ള പ്രീ പെയ്ഡ് ഉപഭോക്താക്കൾക്കാണ് ഈ ഓഫർ ലഭിക്കുക.