തിയറ്റര്‍ പീഡനം; പ്രതി മൊയ്തീന്‍കുട്ടിക്കെതിരെ നിര്‍ണായക വകുപ്പ് ചുമത്തിയിട്ടില്ലെന്ന് ആക്ഷേപം

ചങ്ങരംകുളത്തെ തിയറ്റര്‍ പീഡനത്തില്‍ പ്രതിയായ മൊയ്തീന്‍കുട്ടിക്കെതിരെ നിര്‍ണായക വകുപ്പ് ചേര്‍ത്തിട്ടില്ലെന്ന് ആക്ഷേപം. പോക്‌സോ 5 (എം) വകുപ്പ് ഒഴിവാക്കി , പകരം 9,10,16 വകുപ്പുകള്‍ മാത്രം ചേര്‍ത്ത നടപടിയിലാണ് പ്രതിഷേധം ഉയര്‍ന്നിരിക്കുന്നത്. ശിശുക്ഷേമ സമിതി നിര്‍ദേശിച്ച ഏറെ പ്രധാനപ്പെട്ട വകുപ്പാണ് ഒഴിവാക്കിയിരിക്കുന്നത്. ഈ വകുപ്പ് ചേര്‍ത്തണമെന്ന ആവശ്യമുന്നയിച്ച് ശിശുക്ഷേമ സമിതി വീണ്ടും പോലീസിനെ സമീപിക്കാന്‍ തീരുമാനിച്ചിട്ടുണ്ട്. കേസില്‍ പോലീസ് വരുത്തിയ അനാസ്ഥ ഏറെ വിവാദമായതിന് പിന്നാലെയാണ് ഏറെ പ്രധാനപ്പെട്ട വകുപ്പ് കൂടി ചേര്‍ക്കാതെ അന്വേഷണസംഘം ഉരുണ്ടുകളിക്കുന്നതെന്നത് സംഭവത്തിന്റെ ഗൗരവം വര്‍ധിപ്പിക്കുന്നു.