വോട്ട് ശതമാനം കൂടുതല്‍ കോണ്‍ഗ്രസിന്; ബിജെപി ഏറ്റവും വലിയ ഒറ്റകക്ഷി

ബിജെപി 104 സീറ്റുകള്‍ നേടി ഏറ്റവും വലിയ ഒറ്റകക്ഷിയാകുമ്പോള്‍ വോട്ട് വിഹിതത്തില്‍ കോണ്‍ഗ്രസിനാണ് മുന്നേറ്റം. മൊത്തം വോട്ട് വിഹിതത്തിന്റെ 37.9 ശതമാനം കോണ്‍ഗ്രസ് നേടിയപ്പോള്‍ 36.2 ശതമാനം മാത്രമാണ് ബിജെപി സ്വന്തമാക്കിയത്. എന്നാല്‍, കോണ്‍ഗ്രസിന് 78 സീറ്റുകളില്‍ ഒതുങ്ങേണ്ടി വന്നു. ജെഡിഎസ് 18.5 ശതമാനം വോട്ട് നേടിയിട്ടുണ്ട്. 37 സീറ്റുകളാണ് ജെഡിഎസ് സ്വന്തമാക്കിയത്. അവസാന ഘട്ട ഫലങ്ങള്‍ കൂടി ഇനി പുറത്ത് വരാനുണ്ട്. എങ്കിലും സീറ്റ് നിലയില്‍ കാര്യമായ മാറ്റങ്ങള്‍ ഉണ്ടാകാന്‍ സാധ്യതയില്ല. 5 ശതമാനം വോട്ടുകള്‍ മാത്രമാണ് ഇനി കൗണ്ട് ചെയ്യാനുള്ളത്.