കുമാരസ്വാമിയുടെ സത്യപ്രതിജ്ഞ ബുധനാഴ്ച ഉച്ചയ്ക്ക് 12ന്

കര്‍ണാടകത്തിലെ മുഖ്യമന്ത്രിയായി എച്ച്.ഡി. കുമാരസ്വാമി ബുധനാഴ്ച ഉച്ചയ്ക്ക് സത്യപ്രതിജ്ഞ ചെയ്യും. ബുധനാഴ്ച ഉച്ചയ്ക്ക് 12നാണ് സത്യപ്രതിജ്ഞ. കര്‍ണാടകത്തിലെ വിധാന്‍ സൗധയിലാകും സത്യപ്രതിജ്ഞ നടക്കുക. നേരത്തേ ഇത് ശ്രീകണ്ഠീരവ സ്റ്റേഡിയത്തില്‍ നടക്കുമെന്നാണ് അറിയിച്ചിരുന്നത്. എന്നാല്‍, സുരക്ഷ പ്രശ്‌നങ്ങള്‍ മുന്‍നിര്‍ത്തി സത്യപ്രതിജ്ഞ ചടങ്ങ് വിധാന്‍ സൗധയിലേക്ക് മാറ്റുകയായിരുന്നു. കുമാരസ്വാമി മാത്രമായിരിക്കും ബുധനാഴ്ച സത്യപ്രതിജ്ഞ ചെയ്യുക. വിശ്വാസവോട്ടെടുപ്പിന് ശേഷം കോണ്‍ഗ്രസ്- ജെഡിഎസ് സഖ്യം ഒന്നിച്ച് തീരമാനിച്ചായിരിക്കും മറ്റ് മന്ത്രിമാര്‍ സത്യപ്രതിജ്ഞ ചെയ്യുക. സത്യപ്രതിജ്ഞ ചെയ്ത് 24 മണിക്കൂറിനുള്ളില്‍ വിശ്വാസവോട്ട് നേടുമെന്ന് കുമാരസ്വാമി പറഞ്ഞു.