കമലഹാസനെതിരെ കേസ്

തൂത്തുക്കിടിയിൽ നിരോധനാജ്ഞ ലംഘിച്ചതിന് കമലഹാസനെതിരെ കേസ്. തൂത്തുക്കുടിയിൽ പോലീസ് ആക്രമണത്തിൽ പരിക്കേറ്റ് ചികിത്സയിൽ കഴിയുന്ന സമരക്കാരെ കാണാൻ മക്കൾ നീതി മയ്യം പാർട്ടി നേതാവ് നടൻ കമൽഹാസൻ എത്തിയിരുന്നു. തൂത്തുക്കുടി ജനറൽ ആശുപത്രിയിലെത്തി പരിക്കേറ്റവരെയും അവരുടെ കുടുംബാംഗങ്ങളെയും കമൽഹാസൻ സന്ദർശിച്ചു.

തൂത്തുക്കുടിയിലെ സ്റ്റെർലൈറ്റ് കോപ്പർ പ്ലാന്റുകൾക്കെതിരെ പ്രദേശവാസികൾ നടത്തിയ സമരം അക്രമാസക്തമായതോടെയാണ് പോലീസ് വെടിവെപ്പ് നടത്തിയത്. ഫെബ്രുവരി അവസാനമാണ് ഇവിടെ പ്രദേശവാസികൾ സമരം ആരംഭിച്ചത്.

ബിഹാർ സ്വദേശി അനിൽ അഗർവാളിന്റെ ഉടമസ്ഥതയിൽ ലണ്ടൻ ആസ്ഥാനമായി പ്രവർത്തിക്കുന്ന വേദാന്ത റിസോഴ്‌സസ് എന്ന ലോഹ ഖനന കമ്പനിയുടെ കീഴിൽ പ്രവർത്തിക്കുന്ന സ്ഥാപനമാണു സ്റ്റെർലൈറ്റ് കോപ്പർ ഇൻഡസ്ട്രീസ്.