ചെങ്ങന്നൂരില്‍ ഇന്ന് നിശബ്ദ പ്രചാരണം

ചെങ്ങന്നൂരില്‍ വോട്ടെടുപ്പിന് മണിക്കൂറുകള്‍ ബാക്കി നില്‍ക്കെ വീടുകളിലും ആരാധനായലങ്ങളിലും കയറി നിശബ്ദപ്രചരണം കൊഴുപ്പിക്കുകയാണ് മൂന്ന് മുന്നണികളും. നാളെ ഏഴ് മണിയോടെ വോട്ടെടുപ്പ് ആരംഭിക്കും. വ്യാഴാഴ്ചയാണ് വോട്ടെണ്ണല്‍. പോളിംഗ് സാമഗ്രികള്‍ രാവിലെ എട്ട് മണി മുതല്‍ വിതരണം ചെയ്ത് തുടങ്ങിയിട്ടുണ്ട്. ചെങ്ങന്നൂർ ക്രിസ്ത്യൻ കോളജിലെ 18കൗണ്ടറുകളില്‍ നിന്നാണ് പോളിംഗ് സാമഗ്രികള്‍ വിതരണം ചെയ്യുന്നത്. 181ബൂത്തുകളാണ് വോട്ടെടുപ്പിനായി ചെങ്ങന്നൂരില്‍ സജ്ജീകരിച്ചിരിക്കുന്നത്. പോളിംഗ് സ്റ്റേഷനുകള്‍ ഇന്ന് സജ്ജീകരിക്കും. കുടിവെള്ളം അടക്കമുള്ള സൗകര്യങ്ങള്‍ ബൂത്തുകളില്‍ ഒരുക്കും.