കെവിന്റെ കൊലപാതകം; പ്രതികള്‍ മുന്‍കൂര്‍ ജാമ്യം തേടി

പ്രണയ വിവാഹത്തിന്റെ പേരിൽ നവ വരനെ തട്ടിക്കൊണ്ടു പോയി കൊലപ്പെടുത്തിയ കേസിൽ രണ്ടു പ്രതികൾ മുൻകൂർ ജാമ്യം തേടി ഹൈക്കോടതിയിൽ. കൊല്ലപ്പെട്ട കോട്ടയം സംക്രാന്തി സ്വദേശി കെവിൻ ജോസഫിന്റെ ഭാര്യ നീനുവിന്റെ സഹോദരൻ സാനു ചാക്കോ, പിതാവ് ജോൺ ചാക്കോ എന്നിവരാണ് മുൻകൂർ ജാമ്യം തേടിയത്. കേസിൽ ഒന്നാം പ്രതിയാണ് സാനു ചാക്കോ. ജോൺ ചാക്കോ അഞ്ചാം പ്രതിയും. അതിക്രമിച്ചു കടക്കൽ, തട്ടിക്കൊണ്ടു പോകൽ ,മർദനം തുടങ്ങിയ കുറ്റങ്ങളാണ് പ്രതികൾക്കെതിരെ പ്രാഥമികമായി ചുമത്തിയിട്ടുള്ളത്. പ്രതികൾ ഒളിവിലാണ്. മുന്‍കൂര്‍ ജാമ്യാപേക്ഷ നാളെ പരിഗണിക്കും.